शब्दशिल्प/मूर्तिजापुर : श्री संत गाडगेबाबा यांच्या दश सूत्री संदेशांना आपले उदिष्ट मानून कार्य करणाऱ्या संत गाडगेबाबा कर्मभूमी सेवा प्रतिष्ठान च्या ध्येय धोरणाने प्रेरित होऊन संस़्थेच्या उपक्रमांतर्गत तहानलेल्यांना पाणी आणि भुकेल्या्ना अन्न या बाबांच्या संदेशानुसार भुके दीन दुबळे , गरिब गरजू अंध पंंगूंना सदावर्ताप्रमाने दर आलेल्यांना दररोज निशुल्क भोजन देणाऱ्या संध्या अनिल डाहेलकर यांच्या सेवाव्रताची दखल घेऊन त्यांना 'डॉ. सिंधुताई सपकाळ नारी प्रेरणा पुरस्कारा'ने कानशिवणी येथील राज्यस्तरीय साहित्य संमेलनात सन्मानित करण्यात आले.
कलाविष्कार साहित्य, सांस्कृतिक संस्थेच्या वतीने तिसऱ्या राज्यस्तरीय साहित्य संम्मेलनाचे उद्घाटन प्रा.डॉ.चिंतामण कांबळे यांनी केले. डॉ. प्रा. संतोष हुशे या संमेलनाचे अध्यक्ष होते. कानशिवणीतील एकलव्य शाळेच्या प्रांगणात पार पडलेल्या या संमेलनात गानसम्राज्ञी लता मंगेशकर पुरस्कार प्राप्त गझलनवाज पं. भिमराव पांजाळे यांच्या हस्ते तसेच मान्यवरांच्या उपस्थितीत डॉ. सिंधुताई सपकाळ नारी प्रेरणा पुरस्कार देऊन संध्या अनिल डाहेलकर यांचा गौरव करण्यात आला.
सुपरिचित साहित्यिक , समाजसेवक अनिल डाहेलकर अर्धांगिनी सौ. संध्या डाहेलकर ह्या गेल्या चार वर्षांपासून मेस द्वारे विद्यार्थी विद्यार्थ्यांना अल्प दरात टिफिन सेवा आणि आता या वर्षी पासून भरपेट बसून शिवाश्रय मेस हाटेल च्या माध्यमातून रुचकर जेवन देत असून सोबतच गरीब गरजू दीन दुबळ्यांना आनंदाने जेवू घालत आहेत.
कोणत्याही टिप्पण्‍या नाहीत:
टिप्पणी पोस्ट करा