पुरस्कार प्रेरणा देतात, प्रेरणेने राष्ट्र मोठे होते - मनिषा कांबळे*

शब्दशिल्प/यवतमाल_विसावा सोशल फाउंडेशन नागपूर  व इंटरनॅशनल रिसर्च पब्लिकेशन ऑफ बिझनेस मॅनेजमेंट प्रस्तुत नॅशनल सोशल अँड एज्युकेशन परिषद नागपूर पुरस्कार सन्मान सोहळा नुकताच शनि. दिनांक 10 जानेवारी 2026 रोजी दुपारी दोन वाजता विदर्भ हिंदी साहित्य मधुरम सभागृह श्री  फत्तेचंद मोर  हिंदी भवन राशी राणी चौक वर्धा रोड नागपूर येथे मोठ्या उत्साहात संपन्न झाला.

विविध क्षेत्रातील उत्तुंग नवीन क्षितिज निर्माण करून आपल्या क्षेत्रात अलौकिक कार्य करणाऱ्या विभूतींचा सन्मान  सोहळा  आयोजित करण्यात आला. या कार्यक्रमाला चित्रपट, मालिका टीव्ही कलाकार सुप्रसिद्ध जेष्ठ अभिनेते सावित्रीबाई ज्योतिराव फुले या मालिकेतील शास्त्री भूमिकेत असलेले श्री सुनील गोडबोले. श्री रामरतनजी हाडगे प्रसिद्ध उद्योजक नागपूर, मा. उज्वला रोडगे अभिनेत्री नागपूर ,मा. रवींद्र दिघोरे. समाजसेवक नागपूर ,मा. मनिषा कांबळे साहित्यिका यवतमाळ. प्राध्यापक डॉक्टर संजय हर्षे समाजसेवक ब्रह्मपुरी, स्वाती तरडे अध्यक्ष विशाखा फाउंडेशन नागपूर यांच्या प्रमुख उपस्थितीत राष्ट्रीय पुरस्कारांचे आयोजन समृद्धी प्रकाशनची संचालक डॉ. बी .एन.खरात.सिंधुदुर्ग. यांनी केले होते .

या कार्यक्रमाच्या उद्घाटन प्रसंगी आपले मनोगत व्यक्त करताना मनिषा कांबळे यांनी म्हटलं की पुरस्कार हे जगण्याला प्रेरणा देतात आणि प्रेरणेने राष्ट्र मोठे होते .याप्रसंगी आयोजक बी. एन .खरात सर यांच्या कार्याचे खूप  अभिनंदन आणि कौतुक करण्यात आले. कारण स्वतःसाठी तर सारे जगतात पण जी माणसे समाजासाठी ,इतरांच्या सुखासाठी जगतात, इतरांना मोठी करता ती माणसे जगात मोठी होत असतात आणि ही माणसे फक्त इतिहासच नाही तर लोकांच्या हृदयात स्थान निर्माण करतात. बी. एन. खरात सर सुद्धा अशेच एक व्यक्तिमत्व आहे जे  आपल्या समाजकार्याच्या माध्यमातून इतरांसाठी  नेहमी कार्यरत असतात. लोकांना मंच उपलब्ध करून देण्याची काम करतात. भारत आणि भारताबाहेर सुद्धा त्यांनी अनेक उपक्रम राबवले आहे .थायलंड दुबई ,मलेशिया ,श्रीलंका अशा अनेक ठिकाणी त्यांनी कवी संमेलन आणि पुरस्काराचे आयोजन केले आहे .त्यामुळे अनेक लोकांना आपल्या कामाची पोचपावती मिळाली. आणि प्रेरणा मिळाली. नागपूर सारख्या ठिकाणी हा कार्यक्रमाचे आयोजन करून देशभरातून येणाऱ्या ८०  लोकांना  वेगवेगळ्या पुरस्काराने सन्मानित करण्यात आले . हा सोहळा अतिशय मोठ्या उत्साहात  पार पडला गेला .  भव्य स्वरूपात  कार्यक्रम घेतल्याबद्दल आयोजक डॉ. बी एन  खरात  सर यांचे सर्वत्र  कौतुक आणि अभिनंदन होत आहे.