कविता : अस्मिता बागडे, अल्का फुलझेले, मनिषा सोनेकर, शुभा थुलकर

 

*वृक्ष*

वृक्ष माझा सांगाती

 जणू माय माऊली 

वृक्ष माझा मित्र

करी शांत जीवाची काहिली ll 1ll

वृक्षाशी माझी दोस्ती 

वृक्ष माझा सोबती

 देई प्राणवायू सजीवासी

 म्हणूनच श्वास चाले दिन राती ll 2ll

 वृक्ष माझा आसरा 

वृक्ष माझा रखवाला

 लाकूड फाटा देऊन

 मदत करी घर बांधण्याला ll 3ll

 वृक्ष माझा पोशीन्दा

वृक्ष माझा अन्नदाता

 देई पाने- फुले फळे

 पोषण करी जशी माता ll 4ll

 वृक्ष माझा सोयरा

 वृक्ष माझा सगा 

अमृतजल संजीवन 

जगवी मानवी जगा ll 5ll

वृक्ष माझ्या जन्माचा सारथी

 वृक्ष माझा अंतीचा सोबती 

निद्रा घेतो मी शेवटची

 त्याच्याच तिरडी वरती ll 6ll

 कवयित्री *अस्मिता राहुल बागडे नागपूर*

9422492383

≠==≠=========

*चिऊची व्यथा*

एकवेळ चिऊताई

भितभीतच  वदली

 तक्रारीच्या आवाजात

तिची गाथाच मांडली...ll१ll

घर तुमचं सुंदर

अंगणही किती छान

वृक्ष नाही डौलदार

छायेचा पडला वान..ll२ll 

इवलसं  बाळ माझं 

आता कुठे राहणार 

घरासाठी जागा नाही

त्याला कसं कळणार ..ll ३ll 

एक  झाड डेरेदार 

लाव तुझ्या अंगणात

माझंही घर होईल

राहील मी गं आनंदात...ll ४ll

ऐकना ग माझे ताई

अंगणी भरव शाळा 

मलाही पाहिजे बाई

 मैत्रिणीचा जरा लळा..ll५ll

पाहुनी तुझा संसार

मलाही  वाटतो हेवा 

चिऊकाऊ हितासाठी

 जीवनी असूदे  ठेवा...ll६ll

सौ.अल्का  फुलझेले

नागपूर

___________

सहा "क" कार तिच्यासाठीच का?

ती घरदार सांभाळते 

ती नाती सांभाळते 

ती जबाबदारी पार पाडते 

ती कर्तव्य बजावते 

तरीही उसणे बोल 

का बोलावे तिला 

ती चुकते आहे 

असे का म्हणावे तिला 

घराचा उंबरठा ओलांडून 

ती नोकरी करते 

बाहेरच्या जगात वावरताना 

स्वतःसाठी मर्यादेची रेषा आखते 

पण तिच्या अस्तित्वार 

बोट का दाखवतात 

घरातील लोकच

तिच्या चारित्र्यावर 

शिंतोडे का उडवीतात 

कुठे गेली होती, कुठे होती 

सोबत कोण होतं, काय करत होती 

संशयाची ही गलिच्छ प्रश्नशृंखला

गुंफली तिच्या अस्तित्वाभोवती

गुदमरते आहे ती प्रश्नांमध्ये

का? अडकवले तिला 

सहा "क" कारात

जगूद्या तिलाही स्वछंदीपणे

संशयाची लाट नका उसळवू

तिच्या मनात

सौ. मनीषा सोन्नेकर / सोनकांबळे

9960028899

देगलूर. जि. नांदेड

_______

भोंदू बाबा

हाच ना भोंदू बाबा

यांच्या नादी नका लागू

बिचारा भोळ्याभाबड्या

नका विचारी बागू---१

मंत्र तंत्रांचा अड्डा

त्याचा खोल गेला

महिला युवतीला

आपल्या जाळ्यात केला---२

नको लपूस आता तु

कारणामे बाहेर येतीलच

धावून येतील कायदे

शरण तू जाशीलच---३

देव अंगात तुझ्या येतो

कोंबडे बकरे खातो

मग तू भोळ्या लोकांची

भिक कारे घेतो--४

गुज गोष्टीत अडकवून

अंगारे धुपारे अंगासी

तुझा खेळ चालू असे

त्या वेड्या जीवाशी--५

जीवाला काठीने झोडणे

वाकडे तुझे बोलणे

स्वप्न दाखवी विश्वाचे

तुझे थैया थैया नाचणे--६

शुभा थुलकर 

रामटेक जिल्हा नागपूर

____________