शब्दशिल्प/यवतमाळ_विसावा सोशल फाउंडेशन नागपूर व इंटरनॅशनल रिसर्च पब्लिकेशन ऑफ बिझनेस मॅनेजमेंट प्रस्तुत नॅशनल सोशल अँड एज्युकेशन परिषद नागपूर पुरस्कार सन्मान सोहळा नुकताच शनि. दिनांक 10 जानेवारी 2026 रोजी दुपारी दोन वाजता विदर्भ हिंदी साहित्य मधुरम सभागृह श्री फत्तेचंद मोर हिंदी भवन राशी राणी चौक वर्धा रोड नागपूर येथे मोठ्या उत्साहात संपन्न झाला.
विविध क्षेत्रातील उत्तुंग नवीन क्षितिज निर्माण करून आपल्या क्षेत्रात अलौकिक कार्य करणाऱ्या विभूतींचा सन्मान सोहळा आयोजित करण्यात आला. या कार्यक्रमाला चित्रपट मालिका टीव्ही कलाकार सुप्रसिद्ध जेष्ठ अभिनेते सावित्रीबाई ज्योतिराव फुले या मालिकेतील शास्त्री भूमिकेत असलेले श्री सुनील गोडबोले. श्री रामरतनजी हाडगे प्रसिद्ध उद्योजक नागपूर, मा. उज्वला रोडगे अभिनेत्री नागपूर ,मा. रवींद्र दिघोरे. समाजसेवक नागपूर ,मा. मनिषा कांबळे साहित्यिका यवतमाळ. प्राध्यापक डॉक्टर संजय हर्षे समाजसेवक ब्रह्मपुरी, स्वाती तरडे अध्यक्ष विशाखा फाउंडेशन नागपूर यांच्या प्रमुख उपस्थितीत राष्ट्रीय पुरस्कारांचे आयोजन समृद्धी प्रकाशनची संचालक डॉ. बी .एन.खरात.सिंधुदुर्ग. यांनी केले होते . या कार्यक्रमाला प्रमुख अतिथी म्हणून लाभलेल्या साहित्यिका मनिषा कांबळे यवतमाळ यांना इंडियन प्राईम स्टार पुरस्कार देऊन त्यांचा सत्कार करण्यात आला.
मनिषा कांबळे यांनी आपल्या वयाच्या चौदाव्या वर्षापासून आपल्या लिखाणाला सुरुवात केलेली आहे. कला, साहित्य, नाट्य ,सांस्कृतिक ,सामाजिक इत्यादी क्षेत्रांमध्ये त्यांचे भरीव योगदान आहे. ' सूर्याचा सूर्य' हा काव्यसंग्रह प्रकाशित असून आगामी प्रकाशन ' जगत आहोत' हे ( दीर्घ काव्य) आहे. गेल्या 22 वर्षांमध्ये त्या साहित्यिक या क्षेत्रामध्ये कार्यरत असून अनेक वर्तमानपत्र, आणि साहित्य ग्रुप मध्ये त्यांचे नियमित लिखाण सुरू असते. आजवर त्यांना अनेक जिल्हास्तरीय, राष्ट्रीय, आंतरराष्ट्रीय पुरस्काराने सन्मानित करण्यात आलेले आहे. अल्पवयातील असलेली त्यांच्या या कार्याची धग अतिशय वाखाण्याजोगी असून येणाऱ्या नव्या तरुण पिढीला प्रेरणा आणि मार्ग दाखवणारी आहे. या सर्व कार्याची दखल घेऊन पुरस्कार कार्यक्रमाचे आयोजक.. डॉक्टर बी. एन. खरात सर (सिंधुदुर्ग) यांनी इंडियन प्राईम स्टार पुरस्काराने, शाल, श्रीफळ, पुष्पगुच्छ, मेडल, सन्मानचिन्ह आणि सन्मानपत्र देऊन. अभिनेते सुनील गोडबोले यांच्या मुख्य उपस्थितीत गौरविण्यात आले.
आपल्या यशाचे श्रेय त्या आपल्या परिवाराला देतात. या पुरस्काराप्रसंगी अनेक मान्यवरांनी मनिषा कांबळे यांचे कौतुक आणि अभिनंदनाचा वर्षाव केलेला आहे.
कोणत्याही टिप्पण्‍या नाहीत:
टिप्पणी पोस्ट करा