_स्त्री शक्ती मंचाचा प्रेरणादायी उपक्रम_
शब्दशिल्प/अमरावती : ‘स्त्री: संघर्ष ते स्वराज्य २०२६’ या वार्षिकांकाचे स्वागत खासदार बळवंत वानखेडे, आमदार गजानन लवटे आणि तालुका अध्यक्ष प्रमोद पाटील दाळू यांच्या उपस्थितीत उत्साहात पार पडले. छत्रपती संभाजीनगर येथून सुरू झालेला हा साहित्यिक उपक्रम आज संपूर्ण महाराष्ट्रात विस्तारला असून, विविध क्षेत्रातील महिलांना एकत्र आणणारा समृद्ध परिवार म्हणून ओळख निर्माण करत आहे. स्त्री शक्ती मंचाचा हा सलग चौथा अंक असून, मुख्य संपादक चंद्रकांत तायडे यांच्या मार्गदर्शनाखाली राज्यातील विविध जिल्ह्यांतील कार्यकारी संपादकांनी मोलाचे योगदान दिले. अमरावती जिल्ह्याच्या वतीने समीक्षा वाकोडे यांनी कार्यकारी संपादक म्हणून सक्रिय सहभाग नोंदवून साहित्यिक योगदान दिले आहे. या अंकात महाराष्ट्रातील शंभरहून अधिक साहित्यिकांचे लेखन प्रकाशित करण्यात आले आहे. सामाजिक, शैक्षणिक, ऐतिहासिक, सांस्कृतिक, प्रशासकीय व राजकीय अशा विविध स्तरांवरील विषयांना स्पर्श करत या अंकाने आपले वैशिष्ट्य सिद्ध केले आहे. मागील चार वर्षांपासून कर्तबगार महिलांना व्यासपीठ उपलब्ध करून देण्याचा उपक्रम सातत्याने राबवला जात असून, यंदाचा अंक स्त्रियांना नवे आत्मभान आणि प्रेरणा देणारा ठरत आहे. यावेळी उपस्थित मान्यवरांनी या उपक्रमाचे कौतुक स्त्री शक्ती मंचाला पुढील वाटचालीस शुभेच्छा दिल्या._
कोणत्याही टिप्पण्‍या नाहीत:
टिप्पणी पोस्ट करा